Ka ndërruar jetë një i burgosur i cili po trajtohej në Qendrën Klinike Universitare të Kosovës.
Lajmi është konfirmuar nga Policia e Kosovës përmes raportit 24 orësh, i cili ka bërë të ditur se i ndjeri ishte shtrirë në QKUK për shkak të gjendjes shëndetësore.
“Në klinikën e QKUK-së ka ndërruar jetë viktima mashkull kosovar, i cili ka qenë në vuajtje të dënimit në Qendrën Korrektuese në Dubravë dhe për shkak të gjendjes shëndetësore është shtrirë në QKUK”, njofton Policia e Kosovës.
Lidhur me rastin është konsultuar prokurori i shtetit me urdhër të së cilit trupi i pajetë i viktimës është dërguar në IML për obduksion.