Kompania për distribuimin e energjisë në Kosovë, (KEDS), ka dalë me njoftim në lidhje me orarin e reduktimit për çdo qytet të Kosovës.
KEDS, e ka publikuar në Webfaqen e tyre një hartë me anë të së cilës qytetarët mund ta kuptojnë orarin se kur do të ndalet rryma në zonën e tyre.
“Informimi i konsumatorëve për kohën e kufizimeve të planifikuara është duke u bërë përmes ueb-faqes së KEDS, më saktësisht përmes hartës, ku konsumatorët mund të shohin kufizimet e planifikuara që do të ndodhin në pikën matëse të saj/tij apo të lagjes ku jeton”, thuhet në njoftimin e KEDS-it.
Sipas njoftimit, kriza energjetike është duke u thelluar për shkak të pamundësisë për t’i mbuluar çmimet e importit.
Kufizimet do të jenë dy orë në ditë për secilin konsumatorë në periudha të ndryshme të ditës.