Kyreministri i Kosovës, Albin Kurti, së bashku me Zëvendëskryeministrin e Republikës së Kosovës, Besnik Bislimi, janë takuar me përfaqësuesin e Posaçëm të Bashkimit Evropian në Kosovë dhe ambasadorët e shteteve të QUINT-it.
Zyra e Kryeministrit ka bërë të ditur se pëgjatë takimit, është theksuar vazhdimi i bashkëpunimit dhe bashkërendimit ndërmjet Qeverisë së Kosovës dhe përfaqësuesve të Bashkimit Evropian, Shteteve të Bashkuara të Amerikës, Gjermanisë, Mbretërisë së Bashkuar, Francës dhe Italisë.
Pjesë e bisedimeve në takim ishte edhe dialogu mes Kosovës dhe Serbisë.
“U bisedua për takimet e ardhshme në Bruksel si dhe proceset e çështjet lidhur me dialogun ndërmjet Republikës së Kosovës dhe Serbisë”, bën të ditur Zyra e Kryeministrit.
Pas një viti, pritet që kryeministri i Kosovës, Albin Kurti, të ulet përsëri në tavolinën e bisedimeve me Presidentin e Serbisë, Aleksandër Vuçiqm, takim ky që pritet të realizohet të enjten, më 18 gusht.
I pranishëm në këtë takim do të jetë edhe përfaqësuesi i posaçëm i BE-së, Mirosllav Lajçak.