Pas vendosjes së disa grafiteve në gjuhën serbe me mbishkrimin “Mos u brengosni, këtu jemi”, janë parë në sheshin “Car Llazar”, në Veri të Mitrovicës, ka reaguar eksperti i sigurisë, Agim Musliu.
Ai me anë të një postimi në llogarinë e tij në Facebook, ka thënë se ky është “një kërcënim tjetër ruso-serb ndaj stabilitetit në Ballkanin Perëndimor, për ta shmangur vëmendjen nga agresioni rus në Ukrainë”.
Ai ka thënë se pas “Rojave të Urës”, “Mbrojtjes Civile” e formacioneve të tjera, tash Vuçiqi e Radoiçiqi paraqiten me këtë formacionin e ri paramilitar “Brigada Veriore”.
Për të, kjo është një pjesë e asaj lufte hibride.
Ndërkaq, disa grafite në gjuhën serbe me mbishkrimin “Mos u brengosni, këtu jemi”, janë parë në sheshin “Car Llazar”, në Veri të Mitrovicës.
I shkruar me ngjyrat e flamurit serb, këtij mbishkrimi në rrugët e të njëjtit shesh, i është bashkangjitur një emblemë me mbishkrimin “Brigada e Veriut”.
I njëjti vjen pikërisht në ditën kur po mbahen takimi midis kryeministrit të Kosovës, Albin Kurti dhe presidentit të Serbisë, Aleksandër Vuçiq.
Takimi vjen pas tensioneve të shtuara në pjesën veriore të Kosovës dhe deklaratave në Kosovë e Serbi për shkak të fillimit të zbatimit të marrëveshjeve të Brukselit ndërmjet dy vendeve për targa dhe dokumente zyrtare.
