Ambasadorja Kim pas takimit me kreun e SPAK: SHBA mbështetë reformën në drejtësi

Ambasadorja e Shteteve të Bashkuara të Amerikës (SHBA) në Tiranë, Yuri Kim është takuar sot (e premte) me tetë prill me kreun e Prokurorisë së Posaçme SPAK, Arben Kraja, ku kanë diskutuar për mbështetjen e SHBA-ve për Shqipërinë në fushën e drejtësisë.

Kim përmes një postimi në rrjetin social Twitter pas takimit me Krajën ka thënë se kanë mbështetjen e Amerikës për reformën në drejtësi, përfshi edhe punën e SPAK-ut.

“Përgëzova prokurorët dhe hetuesit për arritjen e rezultateve gjithmonë e më të vërteta. Rritja e hetimeve, procedimeve, konfiskimeve të aseteve etj. tregon se askush nuk është mbi ligjin”.

“SHBA do të vazhdojë të mbështesë fuqimisht reformën në drejtësi – përfshirë punën e SPAK – për t’i dhënë fund pandëshkueshmërisë, për të vënë para përgjegjësisë zyrtarët e korruptuar dhe krimin e organizuar, për të forcuar sundimin e ligjit në Shqipëri”.

Ambasadorja amerikane tutje ka shkruar se kjo është e nevojshme për të përmbushur kërkesat e BE-së, por “gjithashtu për t’iu përgjigjur kërkesave të të gjithë njerëzve për drejtësi”, ka shtruar Kim.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika