Korporata Energjetike e Kosovës ka njoftuar se rikthimi i njësisë A-3 do të bëhet me 31 gusht, rikthim ky që do të bëhet pas inspektimit të saj.
Të hënën, KEK-u ka njoftuar se përkundër mungesës së madhe të energjisë në treg, të njëtit kanë arritur të sigurojnë rreth 70 % të energjisë si zëvendësim të mungesës së prodhimit të planifikuar të njësisë A-3.
“Korporata Energjetike e Kosovës njofton se konform procedurave dhe praktikave inspektimi i njësisë A-3 pritet të përfundojë me 31 Gusht, 2022 dhe menjëherë do të fillon sanimi i kësaj njësise për kthim në punë. Përndyshe përkundër mungesës së madhe të energjisë në treg, për sot kemi arritur të sigurojmë rreth 70 % të energjisë si zënvendësim të mungesës së prodhimit të planifikuar të njësisë A-3”, ka shkruar KEK-u.
Rëndohet situata me furnizim të energjisë elektrike, bie nga sistemi blloku “A3”
Përgjatë të dielës, kufizime emergjente të energjisë elektrike i ishin kërkuar KEDS-it nga KOSTT, si shkak i rënies nga sistemi i njësisë A3. Me rënien e këtij blloku, sipas KEDS-it do të prodhoheshin më pak se 400 megavatë.
Të dielën, Korporata Energjetike e Kosovës, ka reaguar përmes një postimi në Facebook pas rënies nga sistemi të bllokut “A3”, me rastin e rënies së bllokut të lartëcekur.
Ata kanë thënë që prishja ka ndodhur si pasojë e rrjedhjes së ujit e cila edhe ka bërë të pamundur funksionimin e tij.