Me datën një shtator, ashtu siç është paraparë, ka filluar zbatimi i marrëveshjes për lëvizje të lirë ndërmjet Kosovë dhe Serbisë.
Gazetarët e Rtv Dukagjinit, të cilët gjenden të terren, kanë bërë të ditur se qytetarët kanë mundur ta kalojnë kufirin Kosovë-Serbi, vetëm me letërnjoftim.
Deri më tani gjithçka është duke shkuar në rregull dhe situata është e qetë.
Prapa kamerave, zyrtarët policorë i kanë thënë gazetarëve të Rtv Dukagjinit se marrëveshja është duke u plotësuar ashtu siç ishte paraparë.
Në vend të ngjarjes, në pikën kufitare të Bërnjakut, është edhe ministri i Punëve të Brendshme, Xhelal Sveçla, i cili po e përcjell nga afër se a po respektohet marrëveshja.
Marrëveshja parasheh që implementimi i saj të fillojë më një shtator të këtij viti, ku do të mundësohet lëvizja e lirë përmes letërnjoftimeve ndërmjet Kosovës dhe Serbisë.