Presidentja e vendit, Vjosa Osmani, pritet të takojë të shtunën, kryetarin e Sindikatës së Bashkuar të Arsimit, Shkencës dhe Teknologjisë, Rrahman Jasharaj.
Jasharaj ka bërë të ditur se takimi do të nisë në orën 15:00.
Gjersa ka theksuar se 97 për qind e shkollave në vend janë në grevë, ai ka thënë se greva do të përfshijë edhe universitetet publike.
Ai ka thënë se 97 për qind e shkollave janë në grevë, dhe më 1 tetor do të ketë grevë edhe në universitetet publike dhe kjo pritet të vazhdojë gjersa Qeveria e Kosovës t’i plotësojë kërkesat e SBASHK-ut.
Sekretari i Sindikatës së Bashkuar të Arsimit, Ymer Ymeri, kishte thënë se nëse të mërkurën e 17 gushtit nuk do të arrihej një marrëveshje në mes Qeverisë së Kosovës dhe SBASHK-ut atëherë mësimdhënësit do të hyjnë në grevë pa afat.
Ymeri kishte shtuar se mësimi rrezikon që të mos fillojë më 1 shtator për shkak të grevës.
Ymeri, para pak ditësh, kishte deklaruar se të gjitha shkollat përfshirë edhe çerdhet në Kosovë do të vazhdojnë me grevën e paralajmëruar.
Po ashtu, ai kishte thënë se greva nuk do të jetë vetëm më 1 shtator, por do të vazhdojë edhe në ditët në vijim.
Të premten e 2 shtatorit, kryetari i Lidhjes Demokratike të Kosovës (LDK) ka pritur në takim kryetarin e Sindikatës së Bashkuar të Arsimit, Shkencës dhe Kulturës (SBAShK), Rrahman Jashari, për të diskutuar për mosekzekutimin e pagave për punëtorët e sektorit publik dhe për grevat e përgjithshme.
Pas takimit, Abdixhiku ka thënë se për të gjetur një zgjidhje në mes të Qeverisë dhe sindikalistëve, duhet të ketë ketë dialog.
Ndërkaq, lajmin për takimin e sotëm Jashari e ka konfirmuar për Klan Kosova.
Abdixhiku pas takimit me Jasharajn: Duhet të ketë dialog mes palëve