Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës (IKSHPK), të shtunën ka informuar se nga 555 testime, 73 qytetarë kanë rezultuar pozitiv me virusin COVID-19.
Gjatë 24 orëve të fundit, është shënuar një rast i vdekjes.
Të shtunën është raportuar se janë shëruar 187 qytetarë.
Ndërsa, në total numri i rasteve aktive është 774 qytetarë.
Në 24 orët e fundit janë vaksinuar 33 persona.
Që nga fillimi i vaksinimit, në Kosovë, janë dhënë 1 milion e 835 mijë e 630 doza të vaksinës.