Shoqata Sindikale e QKUK-së do të protestojë përballë Qendrës Emergjente të QKUK-së të premten e 21 shtatorit.
Përmes një njoftimi kjo sindikatë ka bërë të ditur se kërkon rritje pagash prej 50 për qind për implementimin e pagave për punëtorët e QKUK-së.
Gjithashtu, në njoftim theksohen edhe kërkesa të tjera siç janë, rritja e investimeve në shëndetësi me qëllim përmirësimin e kushteve të punës dhe ngritjen e cilësisë së shërbimit.
“Në mbledhjen e Këshillit Drejtues të mbajtur më 13.09.2022, u vendos që ditën e mërkurë më 21.09.22 në orën 10 e 30h para Qendrës Emergjente të mbahet protestë simbolike me kërkesat: Rritje pagash për 50% deri në implementimin e Ligjit të Pagave, rritje e investimeve në shëndetësi për përmirësimin e kushteve të punës dhe ngritjen e cilësisë së shërbimit, miratimi i Ligjit të Pagave dhe implementimi i tij nga janari 2023”, thuhet në njoftim.
Sipas tyre, këto kërkesa adresohen për shkak se pagat nuk janë rritur as sipas rritjes ekonomike që nga viti 2014, dhe rritjes së inflacionit mbi 10 për qind i cili ka vështirësuar mbulimin e shpenzimeve bazike jetësore.
“Këto kërkesa adresohen me arsyetim: për shkak se pagat nuk janë e rritur as sipas rritjes ekonomike që nga viti 2014, rritja e inflacionit mbi 19% i cili ka pamundësuar mbulimin e shpenzimeve bazike jetësore” ka përfunduar njoftimi.