Tajfuni Nanmadol godet Japoninë jugore, mijëra njerëz detyrohen të largohen nga shtëpitë e tyre

Tajfuni Nanmadol, i klasifikuar si një super tajfun, ka goditur Japoninë jugore, duke lënë më shumë se 93 mijë shtëpi në të gjithë ishullin, pa energji elektrike si dhe anulim të transportit ajror dhe tokësor

Foto ilustrim

Shirat e rrëbyeshëm dhe stuhitë kanë goditur Japoninë jugore, kështu duke shkaktuar ndërprerje të energjisë elektrike, ndërprerje të mëdha të transportit dhe evakuim të mijëra njerëzve.

Parashikuesit e motit kanë paralajmëruar erëra të forta dhe dallgë të larta “siç nuk janë përjetuar kurrë më parë”, me kërcënimin e vërshimeve të lumenjve dhe rrëshqitjeve të dheut.

Tajfuni Nanmadol, i klasifikuar si një super tajfun nga Qendra e Paralajmërimit të Përbashkët të Tajfunit të Marinës amerikane, po shkon ngadalë në veri, drejt ishullit kryesor jugor të vendit, Kyushu.

Agjencia Meteorologjike Japoneze ka thënë se zona po përballet me përmbytje nga 500 mm shi dhe erëra me shpejtësi deri në 155 mph, të dielën e 18 shtatorit.

Nanmadol më pas pritet të kthehet në lindje dhe të arrijë në Tokio të martën e 20 shtatorit përpara se të largohet në det.

Në zonat e prekura, mijëra banorë janë strehuar në qendrat e evakuimit.

Kompania Kyushu Electric Power ka theksuar se më shumë se 93 mijë shtëpi në të gjithë ishullin ishin pa energji elektrike të dielën, për shkak të dëmtimit të linjave të energjisë.

Qindra fluturime të brendshme brenda dhe jashtë rajonit janë anuluar dhe të tjera janë planifikuar të ndalohen në Japoninë perëndimore deri të martën, njofton Sky News.

Transporti publik, duke përfshirë shërbimet hekurudhore dhe autobusët, janë pezulluar.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika