Partia Demokratike e Kosovës, të shtunën e 24 shtatorit, ka mbajtur Konventën Programore të Gruas Demokratike të Kosovës. Pjesëmarrës në këtë konventë ishin kryetari i PDK-së, Memli Krasniqi dhe zyrtare e zyrtarë nga të gjitha strukturat e PDK-së në nivel të Kosovës.
“E kam të nevojshme të them se në këtë konventë kam zgjedhur të flasim për probleme që i dimë, të cilat janë probleme kardinale, sepse parabarazia gjinore, mosavancimi në punë, kufizimi i pjesëmarrjes së gruas në fusha të ndryshme, trajtimi i tyre si gra në institucione dhe ndermarrje është problem real ne Kosovë”, tha Krasniqi.
“Prandaj, këtë konventë e shoh te rëndësishme për të gjitha gratë e Kosoves”, shtoi Memli Krasniqi.
Sipas Krasniqit, nga periudha kur ka marrë postin e kryetarit të PDK-së, ishte rritur dhe pjesëmarrja e grave në qeverisje.
“Nga 9 drejtori komunale, 5 prej tyre drejtohen nga koleget tona. Jemi partia me më së shumti ansambleiste”.
Sipas tij, kjo nuk është e mjaftueshme sepse rrugëtimi i PDK-së nuk është i suksesshëm pa gratë në çdo aspekt.
“50 për qind me 50 për qind është formula jonë, misioni jonë dhe qëllimi ynë”.
Memli Krasniqi ka shtuar se do të realizojnë “objektin fisnik” 50 për qind me 50 për qind deri në vitin 2025.