Kryeministri, Albin Kurti ka pohuar se që nga përfundimi i luftës deri me tani nuk ka pranuar as një kompensim financiar për kontributin e tij, gjatë luftës për çlirimin e Kosovës.
“Unë kam punuar në zyrën e Përfaqësuesit të Përgjithshëm të UÇK-së, Adem Demaçit, dhe të gjithë ne që kemi punuar aty kolektivisht u patëm regjistruar dhe me këtë rast dua të theksojë që as atë kompensimin si ish i burgosur politik e as këtë për kontributin në luftën çlirimtare nuk e kam marrë e as s’e kam ndërmend t’i marr”, deklaroi Kurti.
Gjithashtu, ai ka folur për veteranët e luftës se Ushtrisë Çlirimtare të Kosovës, duke thënë se qeveria e udhëhequr nga ai , kishte trashëguar një gjendje të listave me veteranët e UÇK-së, të cilat sipas tij, ishin fryrë padrejtësisht, duke i dëmtuar ushtarët e vërtetë.
Tutje, ai ka propozuar se si duhet të bëhet zgjidhja e kësaj çështje.
“Është e domosdoshme që të kemi pikënisje të vërtetën, pastaj të kemi vlerësimin e listat me veteranë të luftës çlirimtare”, ka thënë Kurti.
Ai ka thënë se ka respekt për të pafund për të gjithë veteranët e UÇK-së, dhe gjithashtu, ai ishte shprehur se i kupton edhe ata që janë regjistruar si veteranë në mënyrë të paligjshme, ata mund ta kenë bërë këtë nga halli, por sipas tij, kjo nuk mund t’i dëmtojë ushtarët e vërtetë.