Gjatë një lidhje direkte në emisionin ‘Dueli Sportiv’ në RTV Dukagjini, ai deklaroi se pas rastit me Maqedoninë e Veriut, kjo ka qenë mundësia më e mirë për kualifikim.
“Gjasat janë ende aty, edhe pse tani paksa janë zbehur. Mendimi im para se të fillonte ky kualifikim ka qenë dhe vazhdon të jetë se pas asaj me Maqedoninë e Veriut ka qenë rasti më i mirë për kualifikim,” tha Rashkaj.
Ai mendon se grupi i Kosovës është shumë i volitshëm, teksa shpreson në një kualifikim edhe pas rezultateve dëshpëruese në tre ndeshjet e para.
“Grupi ka qenë shumë i volitshëm për të arritur në vendin e dytë dhe të kualifikohemi. Ndoshta pas këtyre tre ndeshjeve nuk kemi arritur ato pikë që i kemi dëshiruar dhe jemi në një pozitë pak më të vështirë, por ka ende ndeshje,” tha Rashkaj.
“Dueli Sportiv” do të vazhdojë çdo të diel me fillim nga ora 22:00.
Përveç diskutimeve për sportin vendor po ashtu do të ketë edhe shumë risi të tjera në vazhdim.