Ish-anëtari i Lëvizjes Vetëvendosje, Yll Hoxha ka folur për kryesinë e re të Lëvizjes Vetëvendosje, ku ka thënë se Liburn Aliu nuk ka dashur të jetë pjesë e kryesisë në bazë të emrave që i ka parë.

Hoxha ka thënë se është mangësi për LVV-në mungesa e një anëtari të kryesisë siç ka qenë Liburn Aliu.

“Liburn Aliu ishte një prej zërave të rrallë që ka pasur kapacitet të qojë deri në fund mendimin e vetë politik, në qoftë në kundërshtim me Albin Kurtin”, ka thënë Yll Hoxha, ish-anëtar i Lëvizjes Vetëvendosje.

Sipas tij, zgjedhja e kryesisë së re të LVV-së është vetëm kozmetike me ndryshime shumë të vogla.

“Nënkryetarja e dytë është një personalitet që nuk kemi dëgjuar ndonjë herë, Mrika Limani Myrtaj”, ka shtuar ai.

Zgjedhja e Kryetarit të Kuvendit, Glauk Konjufca si nënkryetar i dytë i LVV-së është vendim meritor ka thënë Hoxha.