A po rritet rreziku në veri? -Serbë të armatosur paralajmërojnë ardhjen në Jarinjë

Deputeti i Lëvizjes Vetëvendosje, Arbër Rexhaj, ka kërkuar nëpërmjet një statusi në Facebook, që Forcat e Sigurisë së Kosovës të dërgohen në Veri të Kosovës.

“Meqë serbët prorusë dhe të armatosur nga Serbia, Mali i Zi dhe Republika Srpska po vijnë të dielen në mesditë në Jarinje, pikërisht kjo është një situatë kur atje do të duhej të ishte FSK-ja”, ka shkruar në Facebook Rexhaj.

Ky është një njoftim në të cilin ftohen nacionalistët serbë të vijnë të dielën në Jarinje.

Ky është një njoftim në të cilin ftohen nacionalistët serbë të vijnë të dielën në Jarinje

Ndërsa ministri i Punëve të Brendshme të Kosovës, Xhelal Sveçla, ka theksuar se Policia e Kosovës ka kapacitet për t’i larguar barrikadat e vendosur nga grupet kriminale në katër komunat veriore të Republikës së Kosovës.

“Çdo çast i kaluar nën bllokim të barrikadave të ngritura nga grupe të armatosura e kriminale është i tepërt. Institucionet e Republikës së Kosovës i kanë të gjitha kapacitetet për t’i larguar barrikadat dhe në koordinim me partnerët tanë ndërkombëtarë, janë duke vlerësuar situatën për reagim adekuat”.

“Veriu i vendit tonë, si çdo cep i Republikës sonë duhet të kthehet sa më shpejt në normalitet”, kështu ka thënë ministri i Punëve të Brendshme të Kosovës, Xhelal Sveçla, duke treguar se gjatë kësaj mbrëmje ka darkuar me policët në Bërnjak.

SVEÇLA:INSTITUCIONET E KOSOVËS I KANË TË GJITHA KAPACITETET PËR T’I LARGUAR BARRIKADAT

E kësaj deklarate dhe vizitës së Sveçlës në Bërnjak i është përgjigjur Lisa Serbe, duke e parë si “një tjetër provokim nga Albin Kurti dhe vartësit e tij me qëllim përshkallëzimin e situatës në terren”.

Ata deklaruan se serbët janë të përkushtuar por kinse deklarata e ministrit Sveçla tregon “gatishmërinë për përdorim të dhunës”.

“Theksojmë se populli serb është i përkushtuar për paqen në këto zona dhe deklaratat e Sveçlës është e gatshme të vazhdojë të përdorë dhunën dhe të heq barrikadat me dhunë janë në favor të përkeqësimit të mëtejshëm të situatës”.

Ata kërcënuan se nëse Policia e Kosovës tenton ti heq barrikadat do të marrin përgjigje nga serbët.

“Ne do të bëjmë gjithçka që ta ruajmë paqen dhe popullin tonë nga sulmi nga Prishtina, por nëse njësitë e Kurtit tentojnë të përdorin dhunën për të hequr barrikadat, do të marrin përgjigjen e popullit serb që e meritojnë”, thuhet nga Lista Serbe, shkruan KoSSev.

SITUATË E QETË NË VERI, VAZHDON PATRULLIMI I POLICISË, KFOR-IT DHE EULEX-IT.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika