AAK-ja kërkon dorëheqjen e Kurtit

Besnik Tahiri, AAK

Shefi i Grupit Parlamentar të Aleancës për Ardhmërinë e Kosovës, Besnik Tahiri, ka thënë se për këtë parti është e rëndësishme që të nisë një mocion i mosbesimit ndaj kryeministrit të Kosovës, Albin Kurti.

Pas mbledhjes së kryesisë së kuvendit, Tahiri ka thënë se Kurti duhet të japë dorëheqje.

“Gjendja është e jashtëzakonshme dhe për rrjedhojë nuk mund të sillemi zakonshëm. Për AAK-në është e rëndësishme që të nisë një mocion i mosbesimit të Qeverisë Kurti duke nënkuptuar që ai të dorëhiqet”, ka thënë Tahiri.

Ai ka renditur disa arsye pse kryeministri duhet të japë dorëheqje.

“Në qasje që e ka marrë Kurti dhe Qeveria, Kosova po vazhdon me shpejtësi ta humbë sovranitetin e vet në veri. Kjo qasje na solli në një situatë kur KFOR-i dislokon trupa shtesë në veri bazuar në Rezolutën 1244, dhe ky dislokim po ndodh 15 vjet pas shpalljes së pavarësisë. Qeveria Kurti na solli në një situatë me aleatin tonë, SHBA-të, me garantuesin e sovranitetin, në një situatë kur na vendosin sanksione të cilat e kanë goditur në themel funksionimin e shtetit, duke nisur nga përjashtimi nga Defender”, tha ai.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika