Deputetja nga radhët e Aleancës për Ardhmërinë e Kosovës, Time Kadrijaj, ka kërkuar hetim të pavarur ndaj kryeministrit të Kosovës, Albin Kurti.
Kjo për shkak se, sipas saj, AAK-ja ka ngritur dyshimin rreth mundësisë që Kurti u shërben agjendave armiqësore.
Siç shkroi deputetja Kadrijaj në Facebook, hetimi duhet të iniciohet nga aleatët e Kosovës.
“Ka kohë që AAK ka ngritur dyshimin rreth mundësisë që Kurti i shërben agjendave armiqësore. Thirrje publike për aleatët tanë – ShBA-të, që të iniciojnë një hetim të pavarur rreth këtyre temave! A ka Kurti lidhje me mafinë energjetike serbo-ruse? A qëndron fakti që Kurti i anuloi dy projektet kryesore amerikane në Kosovë; ndërtimin e termocentralit të ri dhe projektin e gazsjellësit amerikan, për t’i favorizuar lidhjet e tij përmes Martin Berishajt në Serbi, e deri tek oligarkët rus?”, shkroi ajo.
Ajo ka kërkuar hetim, përgjegjësi dhe drejtësi.
“Shpresoj që do hetohet kjo temë më seriozisht, pasi që çdo lëvizje e tij e shton dyshimin që ky është i kapur nga armiqtë e Kosovës. Hetim, përgjegjësi, drejtësi”.