Kryetari i Aleancës për Ardhmërinë e Kosovës (AAK), Ramush Haradinaj, në një postim në Facebook, ka thënë se vërshimet në Kosovë, “tashmë kam marrë përmasat e një fatkeqësie në nivel kombëtar”.

Ai tha se, sipas informatave nga terreni, mijëra familje janë në gjendje tejet të rëndë.

Haradinaj ka kërkuar nga qeveria formimin e një Fondi Emergjent.

“Qytetarët kanë nevojë për strehim, për ushqim, për ilaçe dhe veshmbathje. Ata kanë nevojë për ndihmën e shtetit. Udhëheqjet komunale e kanë të pamundur të përballen me pasojat”, ka shkruar Haradinaj.

“Fitore e kësaj qeverie mund të jetë përballimi i kësaj fatkeqësie natyrore, dhe jo përmbysja e Projektligjit për Trust-in” ka thënë ndër të tjera Haradinaj.