Kryetari i Lidhjes Demokratike të Kosovës, Lumir Abdixhiku, ka thënë se heqja e armëve në veri të Kosovës nuk është çështje e dialogut, por përgjegjësi e kryeministrit të Kosovës, Albin Kurti.
Në fjalën e tij në seancën plenare, Abdixhiku teksa i drejtohet kryeministrit Kurti me pyetjen “ a je mirë”, a je i vetëdijshëm?”, ka thënë se nuk ka polarizim më të madh sesa në 2 apo 3 fjalitë e Kurtit.
“Albin a je i vetëdijshëm që je kryeministër edhe i veriut të Kosovës, që heqja e armëve atje është përgjegjësi kushtetuese e jotja dhe organeve të rendit, nuk është çështje e dialogut me Serbinë, a e di këtë gjë? Si është kusht kjo e dialogut?”. Jo 6 por 22 udhëzime i ke nga Gjykata Kushtetuese. Nuk ka polarizim më të madh në dy tri fjali tua sesa sot. Një herë thua se do ta implementoj marrëveshjen e 2012, më pas Asociacion të Sharrit, Bjeshkëve të Nemuna, a je i vetëdijshëm çfarë po flet, si t’i kishe 2 pole të mendimeve me një vend, a je mirë?”, u shpreh ai.