Abdixhiku: Albin Kurti është i dorëzuar

Kryetari i Lidhjes Demokratike të Kosovës, Lumir Abdixhiku, ka thënë se masat e ndërmarra nga Qeveria e Kosovës nuk kanë asnjë efekt

Kryetari i Lidhjes Demokratike të Kosovës, Lumir Abdixhiku

Në debatin për grevat i cili po zhvillohet në Kuvendin e Kosovës, kryetari i Lidhjes Demokratike të Kosovës, Lumir Abdixhiku, ka thënë se kryeministri i Kosovës, Albin Kurti është i dorëzuar.

Gjatë fjalimit të tij si kryetar i LDK-së, Abdixhiku ka theksuar se Kurti kur gjërat janë qetë merr zemër si luan, por bëhet një kopshtar kur është gjithandej i rrethuar me kriza.

“Albin Kurti është i dorëzuar, i ka çuar duart. Ai s’i besonte as vetë masave e politikave që i propozon dhe i lexon këtu dhe më jep përshtypjen se është si një kopshtar në luftë e një luftëtar në kopsht”.

Sipas kreut të LDK-së, nëse është një politikan në Kosovë që sindikatat i ka mbajtur afër vetit për qëllime politike “është Albin Kurti”.

“Përtej paranojës se armiq të padukshëm i janë bërë bashkë për ta rrëzuar, ai listoi disa masa pa e kuptuar vetë problemin me to”, shtoi ai.

“Foli për pako të çmimeve, por në anën tjetër i ka 20 për qind inflacion, foli për pako të energjisë, në mes të verës kemi qenë pa rrymë, foli për pakon e bizneseve, por vetëm 9 për qind prej tyre janë realizuar, foli për pakon e mësimdhënësve, ai ka që 3 javë në grevë 318 mijë nxënës e 25 mijë mësimdhënës”.

Siç thotë Abdixhiku, masat e ndërmarra nga vetë Qeveria Kurti nuk kanë efekt në vend.

Sipas tij, tendenca e qeverisë është të bëjë disiplinimin e mësimdhënësve.

“Do t’i thyejë mësimdhënësit dhe fillimisht i lëshon me ofendime të llojllojshme individuale dhe më pas e tall edhe në parlament një njeri të moshuar në prag të pensionit me të cilin nuk tregoi drejt se ka bartur tryeza bashkë sa ka qenë opozitë javë më javë”.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika