Kryetari i Lidhjes Demokratike të Kosovës (LDK), Lumir Abdixhiku, të premten në fjalët hyrëse të Konventës programore ka thënë se arsyeja e thirrjes së saj është nisja e programit dhe politikbërjes së kësaj partie për temat madhore që e presin Kosovën.
Për gjatë dy ditëve, Abdixhiku ka thënë se fokusohen në 28 fusha programore dhe do të përfshihen profesionistët më të mirë.
“Në ditën e parë të punës ne do të diskutojmë për 6 shtylla programore. Do të flasim për të ardhshmen e të djathtës në Kosovë, për politikën e jashtme, për zhvillimin ekonomik, arsimin, shëndetësinë, qeverisjen lokale dhe diasporën. Konventa është mundësi jo vetëm e rigjenerimit por formë mobilizuese”, ka thënë Abdixhiku.
Sipas Abdixhikut, LDK tashmë është në vitin e dytë ekzistencës së vet politike.
“Lidhja jonë me qytetarë është lidhje e domosdoshmërisë së fitores së madhe. Historia jonë është garancë e së ardhmes së shtetit të Kosovës. Në krye të kësaj lidhje qëndron presidenti ynë Ibrahim Rugova”, ka thënë më tutje ai.