Abdixhiku: Kosova s’duhet të jetë peng kolektiv i një çmendurie politike populiste

Kryetari LDK-së, Lumir Abdixhiku, ka deklaruar se Kosova nuk duhet të jetë peng kolektiv i “një çmendurie politike populiste”, duke njoftuar se të mërkurën i ka mbledhur strukturat udhëheqëse të pesë degëve

Kryetari i Lidhjes Demokratike të Kosovës, Lumir Abdixhiku.

Kryetari i Lidhjes Demokratike të Kosovës, Lumir Abdixhiku, ka njoftuar fillimin e fushatës së tyre në Prishtinë, duke organizuar një takim me strukturat udhëheqëse të pesë degëve të partisë.

Në takim, Abdixhiku ka theksuar bashkëpunimin dhe profesionalizmin e ekipit të tij, duke i vlerësuar si politikanë të ndershëm dhe aktivistë me vullnet të lartë për të lënë një ndikim të rëndësishëm në politikën lokale.

Ai ka theksuar se ata përballojnë sfida nga kundërshtarët në politikë, të cilët, sipas tij, tentojnë të shfrytëzojnë besimin e votuesve për LDK-në në Prishtinë.

Megjithatë, ai ka deklaruar se koha e një politike të tillë ka përfunduar dhe se ata nuk do të lejojnë që Prishtina të bëhet model i një politike të tillë.

“Natyrisht, përbashkimi ynë, rritjet tona, punët e mbara që i bëjmë, na i vënë kundërshtarët përballë. Aty bëhen të gjithë bashkë kundër nesh; sikurse tash, sikurse bëheshin gjithherë. Aty provojnë besimin e votuesve të Kryeqytetit për LDK-në, ta rrëmbejnë në tavolinë. Çfarë s’kuptojnë është se koha e një politike të tillë ka marrë fund! Nuk do t’i lëmë ta bëjnë këtë politikë model në Prishtinë”, ka shkruar ai në Facebook.

Kryetari i LDK-së ka shtuar se ata do të jenë në terren gjatë gjithë vitit, duke vizituar çdo lagje dhe shtëpi në Prishtinë.

Ai ka thënë se Kosova s’duhet të jetë peng kolektiv “i një çmendurie politike populiste”.

“Se ky vend, s’duhet të jetë peng kolektiv i një çmendurie politike populliste që nxitë vetëm frikë, zymtësi e tension. Ne kemi nevojë për zhvillim. Kemi nevojë për maturi. Kemi nevojë për rrugëtim euroatlantik. Kosova ka nevojë për “Rrugën e Re”- programin më ambicioz politik në vend. Në momente kritike politike, aktivizimi ynë politik bëhet domosdoshmëri. Në momente kritike politike, mbështetja për LDK-në është domosdoshmëri”, ka shkruar tutje ai.

Sipas tij, mesazhi i tyre do të jetë për zhvillim, maturi dhe rrugëtim euroatlantik.

Abdixhiku ka përmendur edhe programin e tyre më ambicioz politik, “Rruga e Re”, duke e cilësuar atë si nevojë të domosdoshme për zhvillim dhe pavarësi.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika