Abdixhiku në Krushë të Madhe, premton mbështetje për bujqit dhe sigurime bujqësore

Kandidati për kryeministër i Lidhjes Demokratike të Kosovës (LDK), Lumir Abdixhiku, ka premtuar mbështetje dhe sigurime bujqësore për bujqit e Krushës së Madhe.

Abdixhiku në tubimin elektoral me krushjanët ka thënë se sigurimet bujqësore do të bëhen në vitin e parë të qeverisjes së tij, ndërsa pati edhe një porosi për partinë në pushtet.

“… u themi nga Krusha e Madhe se paratë e vjedhura do t’i ktheni cent më cent, sepse ata që prekin bukën e Kosovës, ata që prekin familjet punëtore, do të dënohen edhe para vendit edhe para Zotit. Bujqit tanë, megjithatë kanë nevojë për mbështetje. Kanë nevojë për dyfishim të subvencioneve e jo pakësim të tyre, kanë nevojë për sigurime bujqësore që të mbroheni nga fatkeqësisht natyrore dhe ju garantoj që brenda vitit të parë të qeverisjes sonë, sigurimet bujqësore do të jenë për të gjithë Republikën e Kosovës”, është shprehur Abdixhiku.

Kreu i LDK-së foli edhe për programin e tij qeverisës për gjithë qytetarët, teksa tha se në javën e parë do të marrë vendim që t’i rrisë pagat për të gjithë shërbyesit civil.

“Në programin tonë politik, parashohim mirëqenie për qytetarët tanë, parashohim se për të gjithë rritjen e madhe të çmimeve që kanë ndodhur për katër vite, Qeveria jonë të krijojë jo vetëm investime por të krijojë edhe paga të larta për çdo familje. Prandaj, pa humbur kohë që në javën e parë, të gjithë shërbyesve të shtetit do t’i rritet paga me koeficient 150, brenda javës së parë dhe ky është zotimi ynë publik”, ka thënë Abdixhiku.

Shija e redaktorit

“Debat Plus” prinë bindshëm, pakontestueshëm emisioni më i shikuar politik...

Mbi 15 mijë respodent i janë përgjigjur Exit Poll të realizuar nga UBO Consulting e të porositur nga Televizioni Dukagjini. Saktësia e këtij “Exit...

Osmani takon presidenten Keller-Sutter: Zvicra vazhdon të jetë një nga...

Presidentja Vjosa Osmani është takuar me presidenten e re të Zvicrës, Karin Keller-Sutter në kuadër të takimeve që ka me liderë botërorë në konferencën...

Bëhuni pjesë e lojës shpërblyese të shtëpisë botuese “Dukagjini” –...

Shtëpia botuese “Dukagjini” fton të gjithë lexuesit të bëhen pjesë e garës “Review për librat tanë”. Në këtë konkurs, ftohen të gjithë lexuesit e botimeve...

Të fundit nga rubrika