Abdixhiku në takim me Hovenier: Pa njohje nuk mund të ketë normalizim të marrëdhënieve me Serbinë

Krytari i LDK-së, Lumir Abdixhiku, e ka pritur në zyre të partisë së tij ambasadorin e ShBA-së në Kosovës, Jeffrey Hovenier, me të cilin kanë diskutuar për procesin e dialogut Kosovë – Serbi.

Abdixhiku, tha se LDK-ja mbështet implementimin e të gjitha marrëveshjeve që janë arritur në kuadër të dialogut.

“Biseduam për zhvillimet politike në vend dhe procesin e dialogut. Ambasadorin e njoftova mbi qëndrimin tashmë të bërë publik të Lidhjes Demokratike të Kosovës mbi procesin e dialogut. LDK-ja i ka dhënë gjithnjë përkrahje procesit të dialogut, me ndërmjetësimin e BE-së dhe me përfshirjen e drejtpërdrejtë të ShBA-ve. LDK-ja po ashtu mbështet implementimin e të gjitha marrëveshjeve që janë arritur në këtë proces”, ka thënë ai.

Abdixhiku e ka ripërsëritur qëndrimin e LDK-së, se pa njohje të Kosovës nga Serbia nuk mund të ketë normalizim të marrëdhënieve.

Po ashtu, në këtë takim është diskutuar për detajet e planit evropian, sepcifikisht për nenin 7 dhe 10.

“LDK-ja përsërit se Kosovës i duhet një marrëveshje e përqendruar te njohja e ndërsjellë dhe se asnjë marrëveshje tjetër nuk garanton normalizim të marrëdhënieve Kosovë – Serbi. Në takim po ashtu elaboruam edhe pikëpamjet tona mbi Preambulën, Nenin 7 dhe Nenin 10 të tekstit të marrëveshjes”, ka shkruar Abdixhiku.

Shija e redaktorit

Lame: Me intervenimin e NATO-së, UÇK-ja u bë ushtri me...

Ish-gjenerali shqiptar i Divizionit të Kukësit, Kudusi Lame, për 24 vjetorin e bombardimeve të NATO-së drejt caqeve serbe ka thënë se Kosova kishte filluar...

Distria Krasniqi e argjendtë në Gjeorgji

Kampionia olimpike, Distria Krasniqi, në kategorinë -52 kg, ka fituar medaljen e argjendtë dhe 700 pikë olimpike në Paris 2024 në Grand Slamin e...

“Radar” me Edita Doli mbledh mbi 50 mijë euro për...

Mbi 50 mijë euro nga telefonatat dhe mjetet e dorëzuara në ambientet e Dukagjinit është shuma që është mbledhur deri tani për Gazmend Malokun,...

Të fundit nga rubrika