Kryetari i Lidhjes Demokratike të Kosovës, Lumir Abdixhiku ka uruar të gjithë besimtarët myslimanë me rast të fillimit të muajit të Ramazanit.

Përmes një njoftimi, Abdixhiku është shprehur se dita e nesërme shënon fillimin e një muaji sa të veçantë shpirtërisht, aq dhe sfidues fizikisht.

Kështu sipas tij, ky muaj paraqet paqe e dashuri, ku dhe ka uruar që këto vlera të forcohen sa më shumë në vendin tonë.

“Prandaj më lejoni që në emrin tim dhe Lidhjes Demokratike të Kosovës, t’iu uroj fillimin e këtij muaji të sakrificës, shpresës e solidaritetit me të tjerët.”

“Ju dëshiroj agjërim të lehtë, pranim të lutjeve tuaja, shëndet të mirë, lumturi e prosperitet për ju dhe familjet tuaja,” përfundoi ai.