Kryetari i Lidhjes Demokratike të Kosovës (LDK), Lumir Abdixhiku ka shprehur ngushëllime për viktimat që kanë humbur jetën në tërmetin e fuqishëm që ka goditur Turqinë dhe Sirinë.
“Më trishtoi lajmi për tërmetin që ka goditur Turqinë dhe Sirinë. Në emër të Lidhjes Demokratike të Kosovës u shpreh ngushëllime të gjitha familjeve për viktimat e tërmetit të tmerrshëm që i goditi këtë mëngjes”.
I pari i LDK-së ka thënë se qytetarët e Kosovës bashkëndiejnë dhimbjen me qytetarët e të dyja vendeve.
“Të gjithë qytetarët e Kosovës bashkëndjejmë dhimbjen dhe solidarizohemi me qytetarët e të dyja vendeve në këto momente të vështira. Lutemi për viktimat dhe familjet e tyre”.
Ndryshe, të hënën, një tërmet me magnitudë 7.8 ballë ka goditur Turqinë dhe Sirinë duke lënë të vdekur deri më tani mbi 1200 persona.