Abdixhiku: T’iu kthehen mjetet qytetarëve dhe të vendoset ligjshmëria

Të mërkurën e 17 majit Gjykata e Apelit e ka vërtetuar vendimin e Gjykatës Themelore për pezullim të vendimit të Zyrës së Rregullatorit të Energjisë. Dhe për këtë vendim ka reaguar edhe Kryetari i LDK-së Lumir Abdixhik, ku ka kërkuar që mjete që qytetarët i kanë pagur për këta tre muaj t’iu kthehen

Kryetari i Lidhjes Demokratike të Kosovës (LDK), Lumir Abdixhiku, ka reaguar pas vendimit të Gjykatës së Apelit, e cila vërtetoi vendimin e Gjykatës Themelore për pezullim të vendimit të Zyrës së Rregullatorit të Energjisë (ZRrE).

Abdixhiku ka kërkuar që t’iu kthehen qytetarëve mjetet finaciare të cilat janë marrë në mënyrë të paligjshme.

Sipas tij, vendimi i sotëm i Gjykatës së Apelit si dhe ai i Gjykatës Themelore në Prishtinë, konfirmojnë të gjitha argumentet tona rreth faturimit diskriminues dhe të padrejtë të qytetarëve tanë.

“Këto argumente ishin injoruar nga pushteti. Insistimi i tyre për të mbrojtur një plaçkë publike, ka marrë sot vulën e dyfishtë të paligjshmërisë” ka shkruar Abdixhiku në Facebook.

Gjithashtu, ai ka kërkuar edhe shkarkimin e bordit të ZRrE-së, ku sipas tij “janë hapa të domosdoshëm që Qeveria e Kosovës dhe Albin Kurti duhet t’i ndërmarrin sa më parë. Sot kërkojmë përgjegjësi publike nga ata që paligjshëm i shtrenjtuan faturat e energjisë; e që mbrojtën me garancë këtë paligjshmëri”.

Abdexhiku ka shtuar se do të ketë edhe fitore të tjera në lidhje me keqpërdorimet e krizës energjetike.

“Pjesa tjetër e së vërtetës rreth krizës energjetike – të keqpërdorimit të qindra milionave, pagesave në llogari të fshehta, e vonesës në reagueshmëri – do të zbardhen në Komisionin Hetimor Parlamentar” ka thënë Abdixhiku.

Më datëm 18 mars të vitit 2022,  Partia Demokratike e Kosovës  e kishte  paditur  Zyrën e Rregullatorit të Energjisë (ZRrE) në Gjykatën Themelore, për vendimi e shtrenjtimit të energjisë elektrike.

Gjithashtu kishte iniciuar komisionet hetimor parlamentar, për të hetuar keqpërdorimin e dhjetëra miliona eurove nga qeveria gjatë krizës energjetike.

Shija e redaktorit

Hapet Baza Ajrore e NATO-s në Kuçovë të Shqipërisë

Më 4 mars u hap zyrtarisht baza ajrore e NATO-s në Kuçovë, një “investim i madh që do të shërbejë për përmirësimin dhe modernizimin...

Mogherini bëhet me nënshtetësi shqiptare

Kryeministri i Shqipërisë, Edi Rama, i ka ofruar rektores së Kolegjit të Evropës, Federica Mogherini, nënshtetësinë shqiptare. Ai e ka falënderuar për këtë projekt të...

Realizohet fotografia familjare e samitit në Tiranë

Siç e do zakoni, pjesëmarrësit në samitin “Ukrainë-Europa Juglindore”, që po mbahet në kryeqytetin e Shqipërisë, Tiranë, kanë realizuar “fotografinë familjare” Presidenti i Ukrainës,  Vlodymyr...

Të fundit nga rubrika