Pasi u dëgjua duke sharë, deputeti i PDK-së, Abelard Tahiri, ka kërkuar falje për një gjë të tillë. Kërkim faljen prej tij e ka kërkuar kryeparlamentari Glauk Konjufca, i cili tha se kjo gjuhë nuk është e pranueshme.
“Zotëri Abelard Tahiri, jeni inqizuar se keni sharë gjatë fjalës suaj, të gjithë e paskan dëgjuar, edhe unë, tash po e dëgjoj, mendoj që duhet ta tërhiqni atë fjalë dhe të kërkoni falje”, ka thënë Konjufca.
Tahiri u përgjigj, duke thënë se nuk e ka pasur për qëllim ta ofendojë ndonjë deputet, por sharja ka ardhur nën afekt, si pasojë e përplasjeve në Kuvend.
“Në asnjë moment, në asnjë rrethanë, nuk kam menduar ta shaj ndonjë deputetë të Kosovës. Ka qenë në afekt, kjo nuk i është drejtuar asnjë deputeti. Kushdo që është ndier i/e ofenduar, i kërkoj falje, i kërkoj falje edhe qytetarëve të Kosovës”, ka deklaruar Tahiri.
Sharja nga Abelard Tahiri erdhi kur deputetët ishin duke e diskutuar rastin e ambasadorit Martin Berishaj.