Knut Abraham, deputeti nga Bundestagu i Gjermanisë, kishte kërkuar që të përkrahet aplikimi i Kosovës, në KE nga Gjermania.
Ai, këtë e kishte bërë ndërmjet një postimi në Twitter, ku kishte shkruar “nëse do ta mbështeste një aplikim të Kosovës për anëtarësim në Këshillin e Evropës.
Postimit të Abraham-it, i ishte përgjigjur qeveria e Gjermanisë ku i kishte bërë retweet shkrimit të deputetit ku thuhej se “Qeveria e Gjermanisë mbështet anëtarësimin e Kosovës në Këshill të Evropës.
Është me rëndësi, për këtë të mbesim në koordinim të ngushtë me partnerët tanë në Bashkim Evropian dhe në Këshill të Evropës”, thuhet në përgjigjen e Qeverisë së Gjermanisë.
Ndërsa Agjencioni i lajmeve “Kosovapress” ka zhvilluar një intervistë më Knut Abraham, deputetin nga Bundestagut i Gjermanisë.
Ai i kishte thënë se Kosova duhet të aplikojë për ta shfrytëzuar momentin që aktualisht Presidencën e Këshillit të Evropës e udhëheq Italia, një aleat i fortë i Kosovës.
“Italinë, si udhëheqëse e Presidencës në Këshillin e Evropës, Kosova e ka një aleat të fortë dhe duhet të shfrytëzojë këtë mundësi për të hedhur hapin e parë. Pasi të dorëzohet një aplikim, së bashku me aleatët tanë në Këshillin e Evropës nga të gjitha fraksionet politike dhe shtetet anëtare, ne do të avokojmë në favor të anëtarësimit të Kosovës, duke u bërë anëtari i 47-të i këtij institucioni të rëndësishëm”, ka thënë ai.
Sipas deputetit gjermann ai ka bërë të ditur se ekziston fryma e përkrahjes në Gjermani nga politikanë dhe grupe të ndryshme politike mbështesin fuqishëm anëtarësimin e Kosovës në Këshillin e Evropës.
Ndërsa Abrahm, kishte treguar që shumica e anëtareve të Parëtisë CDU/CSU, janë të gatshëm që ta përkrahin anëtarësimin e Kosovës në KE.
“Si anëtar i CDU/CSU, mund t’ju them se partia ime qëndron plotësisht prapa Kosovës për këtë çështje. Kryesuesi i delegacionit gjerman në Këshillin e Evropës Frank Schëabe, kolegu im nga socialdemokratët, është gjithashtu publikisht duke mbrojtur një hap të tillë. Nga delegacioni gjerman në PACE kanë shprehur mbështetje Konstantin Kuhle nga Liberalët, Max Lucks nga të Gjelbrit, por edhe ministri i Shtetit Tobias Lindner. Besoj se Gjermania, si një nga anëtarët më të mëdhenj në Këshillin e Evropës, së bashku me aleatët evropianë si Italia, mund të luajë një rol udhëheqës për të ndihmuar Kosovën në këtë proces”, deklaroi Abraham.
Këshilli i Evropës është institucioni më i vjetër i të drejtave të njeriut në Evropë që bashkon demokracitë nga i gjithë kontinenti për të mbrojtur të drejtat e njeriut.