Kryetari i Federata e Futbollit e Kosovës, Agim Ademi, ka publikuar një fotografi së bashku me Armand Duka, i cili njëkohësisht mban edhe postin e zëvendëspresidentit të UEFA.
Në këtë postim, Ademi ka bërë të ditur mbështetjen e tij dhe të federatës që ai drejton për Aleksander Čeferin për një mandat tjetër në krye të institucionit më të lartë të futbollit europian.
Sipas tij, ky qëndrim është rezultat i një koordinimi dhe vendimmarrjeje në nivel federatash, gjatë një takimi të përbashkët ku është diskutuar strategjia afatgjatë e zhvillimit të futbollit kombëtar dhe rajonal, si dhe forcimi i strukturave sportive në Evropë.
Në deklaratën e tij, Ademi thekson rëndësinë e vazhdimësisë në udhëheqjen e UEFA-s, duke vlerësuar punën e deritanishme të Čeferinit në drejtim të stabilitetit institucional, reformave në futbollin evropian dhe mbështetjes së federatave anëtare.
Mbështetja e shprehur nga FFK vjen në një moment kur shumë federata evropiane po artikulojnë qëndrimet e tyre rreth së ardhmes së drejtimit të UEFA-s, duke e parë procesin si vendimtar për zhvillimin e projekteve të mëdha në futbollin ndërkombëtar.
Në këtë kontekst, fotografia e publikuar nga Agim Ademi së bashku me Armand Dukën është interpretuar si një sinjal i qartë uniteti mes federatave të rajonit në mbështetje të lidershipit aktual të UEFA-s dhe vazhdimit të projekteve të nisura në vitet e fundit.