Ministri i Infrastrukturës, Liburn Aliu ka njoftuar se udhëtarët që kanë mbetur në aeroportin e Beogradit, pas aterrimit urgjent të aeroplanit, kanë fluturuar për në qytetin e Këln-it në Gjermani, ku priten të aterrojnë rreth orës 00:45, pas mesnatës.
Ministri Aliu përmes një shkrimi në Facebook tha se operatori ajror ‘Eurowing’ që ishte nisur nga Hamburgu për në Prishtinë, është detyruar të aterrojë dje gjatë ditës në aeroportin ‘Nikola Tesla’ në Beograd, për shkaqe teknike.
Në aeroplan kanë qenë 155 udhëtarë.
“Autoritetet shtetërore të Kosovës në kordinim me aeroportin e Prishtinës kemi qenë në komunikim dhe kordinim të vazhdueshëm me operatorin ajror Euroëings për sigurinë dhe mirëqenien e udhëtarëve tanë që ishin në këtë fluturim. Fluturimi i udhëtarëve për në Kosovë do të organizohet menjëherë më tutje nga operatori ajror sipas procedurave te aplikuara në raste të tilla. Informata me të detajuara në lidhje me rastin do të marrim nga operatorin Euroëings në ditët në vijim”, ka shkruar Aliu në Facebook.