Afro 20 persona kanë humbur jetën pasi një zjarr përfshiu një shtëpi për të moshuarit në qytetin siberian, Kemerovë, kanë thënë zyrtarët rusë.
Ndërkaq, gjashtë persona të tjerë u plagosën. I gjithë kati i fundit i ndërtesës dykatëshe prej druri është djegur nga zjarri gjatë natës.
Raportet e para thonë se mund të jetë shkaktuar nga një kazan i gabuar i ngrohjes.
Shtëpia private për të moshuarit funksiononte ilegalisht, shkruan BBC.
Dhjetra zjarrfikës u vendosën dhe zjarri u shua herët të shtunën.
Guvernatori i rajonit tha se të gjitha objektet e ngjashme tani do të inspektohen.
Lidhur me rastin ka nisur një hetim penal.
Zyrtarët lokalë të shërbimit zjarrfikës kanë thënë se shumë shtëpi të paregjistruara për të moshuarit funksiononin në të gjithë Rusinë. Si të tilla, ato konsideroheshin pronë private dhe nuk i nënshtroheshin inspektimeve të sigurisë nga zjarri.
Ndryshe, në vitin 2018, 60 njerëz përfshirë 37 fëmijë, vdiqën si pasojë e një zjarri në qendër të Kemerovës.