Ministri i Financave, Punës dhe Transfereve, Hekuran Murati, ka njoftuar se aktualisht janë 1,413 pozita të lira pune në “superpuna”, që vlejnë për të rinjtë 18 deri 25 vjeç.
Tutje, Murati ka theksuar se paga mesatare është 358 euro, por që sipas tij mund të shkojë deri në 1,000 euro.
Murati, ndër të tjera, ka thënë se kjo pagë nënkupton se shumica e bizneseve po e shtojnë pagën mbi subvencionin e Qeverisë.
“Aktualisht në superpuna janë 1,413 pozita të lira pune për të rinjtë 18-25 vjeç. Paga mesatare e këtyre pozitave është 358 euro, që nënkupton se shumica e bizneseve po shtojnë pagën mbi subvencionin e Qeverisë, por ka paga që shkojnë edhe deri në 1,000 euro”, ka njoftuar Murati përmes një postimi në Facebook.
Ndryshe, Qeveria e Kosovës e ka krijuar këtë platformë të quajtur “Superpuna” për të ndihmuar në punësimin e të rinjve.