Administrata Tatimore e Kosovës (ATK) ka njoftuar se për dy muajt e fundit janë 149.3 milionë euro të hyra tatimore në vend.
“Të hyrat tatimore të ATK-së edhe në muajin e dytë të këtij viti kanë vazhduar të shënojnë rritje, duke realizuar 149.3 milionë euro, që nëse bëjmë krahasime me periudhën e njëjtë të vitit të kaluar, shohim se kemi rritje për 24.4 milionë euro apo 19.6%”, njofton ATK-ja.
Administrata Tatimore e Kosovës njofton se vazhdimi i performancës së mirë të mbledhjes së të hyrave tatimore është derivat i mekanizmave, “të cilët kanë rritur llogaridhënien, transparencën, si dhe në të njëjtën kohë avancimi i vazhdueshëm i shërbimeve digjitale përmes platformës E-Deklarimit”.
“149.3 milionë euro të hyrat tatimore për dy muaj. Të hyrat tatimore të ATK-së edhe në muajin e dytë të këtij viti kanë vazhduar të shënojnë rritje, duke realizuar 149.3 milionë euro, që nëse bëjmë krahasime me periudhën e njëjtë të vitit të kaluar shohim se kemi rritje për 24.4 milionë euro apo 19.6%. Vazhdimi i performancës së mirë të mbledhjes së të hyrave tatimor është derivat i mekanizmave, të cilët kanë rritur llogaridhënien, transparencën, si dhe në të njëjtën kohë avancimi i vazhdueshëm i shërbimeve digjitale përmes platformës E-Deklarimit. Po ashtu, ATK është këtu që t’i trajtojë dhe t’i iniciojë të gjitha rastet, të cilat qytetarët dhe tatimpaguesit i raportojnë përmes linjës pa pagës 0800 80 800”, thuhet në njoftimin e ATK-së.