Ministria e Shëndetësisë, sipas të dhënave të IKSHPK-së të mërkurën ka njoftuar se brenda 24 orëve të fundit 1 mijë e 197 qytetarë kanë rezultuar pozitiv me COVID-19.
Ndërsa, gjatë 24 orëve të fundit asnjë qytetarë nuk ka vdekur nga COVID-19.
Numri i të shëruarve është 1 mijë e 30, ndërsa numri i rasteve aktive është tetë mijë e katër.
Ndërkaq, 54 qytetarë janë vaksinuar brenda 24 orëve të fundit. Me dozën e parë të vaksinës janë vaksinuar 903 mijë e 987 qytetarë, me dozën e dytë janë vaksinuar 824 mijë e 280 të tjerë, me dozën e tretë janë vaksinuar 104 mijë e 765 të tjerë, dhe me dozën e katërt janë vaksinuar 1 mijë e 565 të tjerë.
Ministria e Shëndetësisë, u ka bërë thirrje qytetarëve që të vaksinohen ngase ditëve të fundit është shënuar rritje e rasteve të reja me COVID-19.
Gjithashtu, vaksinimi sipas MSH-së, është dëshmuar të jetë mënyra më e mirë dhe më efikase për të parandaluar infeksionin nga COVID-19, format e rënda të sëmundjes dhe vdekjet nga COVID-19.
Ndërsa, një ditë më parë janë shënuar dy vdekje dhe 952 persona pozitiv me COVID-19.