Pas lajmit për vdekjen e gazetarit dhe shkrimtarit, Bajram Sefaj, Asociacioni i Gazetarëve të Kosovës ka shprehur ngushëllime ndaj familjes, miqve dhe komunitetit.
Përmes një postimi në Facebook, AGK-ja ka shkruar telegram ngushëllimi për vdekjen e gazetarit Bajram Sefaj.
“Ai për shumë vite ka punuar si gazetar në gazetën Rilindja, por që ka qenë edhe korrespodent për disa media ndërkombëtare. Krahas gazetarisë, ai është marrë edhe me krijimtari letrare, dhe është autor i disa veprave letrare në tregime, prozë, poezi e publicistikë,” shkruhet në njoftim.
Siç kanë njoftuar familjarët, Sefaj ka vdekur në moshën 83-vjeçare pas një sëmundjeje.