Veturat e ekipit të mediumit televiziv të KOHËS dhe T7 janë demoluar gjatë natës në Zveçan, sipas informacioneve të publikuara nga mediumi.
Në fotografi dhe video të publikuara, shihen xhamat e thyer, gomat e shpërthyera, simbole nacionaliste të shënuara në veturë, si dhe pasqyrat që mungonin.
Mediumi T7 gjithashtu u gjet në të njëjtën gjendje, me simbole nacionaliste serbe të vendosura mbi të, xhama të thyer dhe goma të shpërthyera.
Asociacioni i Gazetarëve të Kosovës në një reagim në rrjetin social, Facebook, ka shprehur thellësisht shqetësimin e tyre në lidhje me ngjarjen dhe fotografitë/video të dhëna nga këto dy mediume.
Ata u bëjnë thirrje të gjithë kolegëve të kenë kujdes të shtuar gjatë raportimit dhe u kërkojnë organeve kompetente të ofrojnë siguri për gazetarët që raportojnë nga këto komuna.
Po ashtu, AGK-ja ka kërkuar nga autoritetet që të hetojnë me prioritet të gjitha sulmet ndaj medieve që kanë ndodhur gjatë ditës së djeshme.