Asociacioni i Gazetarëve të Kosovës, së bashku me Lëvizja FOL, Instituti i Kosovës për Drejtësi dhe aktivisten Flutura Kusari, kanë njoftuar se sot në ora 08:30 do të mbajnë një konferencë urgjente për media para Kuvendit të Kosovës.
Sipas njoftimit, kjo konferencë synon të adresojë shqetësimet lidhur me procesin e përzgjedhjes së anëtarëve të bordeve të Radio Televizioni i Kosovës dhe Komisioni i Pavarur i Mediave.
“Nesër (e mërkurë) në ora 08:30 mbahet konferencë urgjente për media para Kuvendit të Kosovës për të shprehur shqetësimet në lidhje me proceset e përzgjedhjes së anëtarëve të Bordeve RTK-së dhe KPM-së”, thuhet në njoftim.
Gjatë mbledhjes së Komisionit Ad-Hoc për përzgjedhjen e kandidatëve të martën, deputetët u përplasën për afatin e shkurtër të caktuar për intervistimin e kandidatëve.
Opozita kundërshtoi zhvillimin e intervistave të premten, duke argumentuar se materialet janë voluminoze dhe se kandidatëve duhet t’u jepet më shumë kohë për përgatitje.
Nga ana tjetër, përfaqësuesit e pozitës mbrojtën vendimin për përshpejtimin e procesit, duke theksuar nevojën për funksionalizimin sa më të shpejtë të bordit të RTK-së, i cili prej kohësh mbetet i pakompletuar.
Pavarësisht kundërshtimeve, komisioni vendosi që intervistat të mbahen të mërkurën me fillim prej orës 09:00, me secilin kandidat që do të intervistohet për rreth 15 minuta.