AGK reagon për sulmin ndaj ekipit të Klan Kosovës në veri
Të hënën në veri të vendit, specifikisht afër barrikadave të vendosura në fshatin Çabër të Zubin Potokut, është sulmuar me gurë një ekip i mediumit Klan Kosova. Në lidhje me këtë çështje ka reaguar Asociacioni i Gazetarëve të Kosovës, të cilët janë shprehur të “shqetësuar për sigurinë e kolegëve që po raportojnë nga veriu i […]
Të hënën në veri të vendit, specifikisht afër barrikadave të vendosura në fshatin Çabër të Zubin Potokut, është sulmuar me gurë një ekip i mediumit Klan Kosova.
Në lidhje me këtë çështje ka reaguar Asociacioni i Gazetarëve të Kosovës, të cilët janë shprehur të “shqetësuar për sigurinë e kolegëve që po raportojnë nga veriu i vendit”.
AGK ka bërë thirrje tek organet e sigurisë të marrin masa për të siguruar mbrojtje për gazetarët, të cilët raportojnë nga veriu i Kosovës.
“AGK-ja, sërish bën thirrje tek organet kompetente që të marrin masa për të siguruar gazetarët, njëherësh kërkojmë që të lejohen të bëjnë punën e tyre pa u penguar”, thuhet në reagimin e tyre.
Ky është sulmi i tretë i gazetarëve, të cilët derisa po raportonin nga veriu ishin sulmuar nga persona të paidentifikuar deri më tani.















