Ish-zëvendësi sekretari i Federatës së Futbollit të Kosovës, Arianit Ahmeti ka diskutuar për moslicencimin e Federatës së Futbollit të Kosovës.
Në emisionin “Dueli Sportiv” në RTV Dukagjini ai tha se “është e çuditshme se çka po ndodhë me këtë Federatë”.
Ahmeti shtoi se “për mua është befasi të flitet në vitin 2023, që Federata e Futbollit është prapa 13-të federatave tjera. Kjo punë është kryekput peng i disa njerëzve të cilët janë lidhur rreth karrigave të tyre”.
I njëjti po ashtu tha “donatorët po pësojnë më së shumti për shkak të barrikadimit të tyre, sepse ato karrige duket që nuk dëshirojnë t’i lëshojnë. Është problemi ligjor, edhe publiku e din, rreth dy njerëzve. Njërit nuk ja lejon ligji i avokatisë, teksa tjetri ka probleme me ligjin”.
“Dueli Sportiv” do të ju shoqërojë çdo të dielë, me fillim nga ora 22:00. Përveq diskutimeve për sportin vendor dhe atë ndërkombërtar shumë shpejtë do te ketë edhe shumë risi tjera.