Tenistja 17-vjeçare nga Peja, Aja Broqi, ka fituar titullin e kampiones së Kosovës. Në turneun përfundimtar të vitit, Masters A, morrën pjesë 5 tenistet më të mira të vitit, Broqi i fitoi të 4 meçet duke vërtetuar epitetin e tenistes më të mirë për vitin 2022.
Fillimisht Aja Broqi mposhti Fikrete Veliun me 6/0 dhe 6/2 në sete. Në meçin e dytë Broqi ishte më e mirë se Marija Dukic 6/1 ; 6/0.
Në meçin e tretë të Mastersit Aja Broqi mposhti Meldina Mislimin me 7/5 dhe 6/1 derisa trofeun e vërtetoi pas triumfit bindës ndaj Forta Morinës 6/3 dhe 6/1 në sete.
Aja Broqi javën e kaluar e fitoi titullin e kampiones edhe në kategorinë U-18 derisa javë më parë u shpall edhe kampione e Kosovës në konkurencën ekipore.
