Akademiku Kullashi: Serbia nuk arrin ta gëlltisë se Kosova është e pavarur, kjo sjell tensione

Muhamedin Kullashi, ish-ambasador

Një pjesë e tensioneve janë për shkak se Serbia ende nuk është pajtuar që Kosova është shtet i pavarur ka theksuar ish-ambasadori i Kosovës në Francë, Muhamedin Kullashi, njëherësh akademik në AShAK.

Kullashi, në “FIVE” të Dukagjinit, duke folur për tensionet e fundit dhe kritikat ndaj Qeverisë së Kosovës, ka thënë se nuk është në interesin e Kosovës që të moskoordinohet më fuqitë e mëdha.

“Problemi i targave u zgjidh. Kështu që nuk është në interes tonë të mos koordinohemi me fuqitë e mëdha, sepse me ato mund t’i zgjidhim problemet. Pa ato ia mbyllim vetes horizontin edhe politik edhe ekonomik… ju e dini që fuqitë e mëdha e kanë mbështetur Kosovën kundër Serbisë. Se ata nuk munden ende të pajtohen se Kosova është bërë shtetet i pavarur, se e kanë humbur. Dhe një pjesë e tensioneve është se nuk arrin ta gëlltisë që Kosova është pavarësi si shtetet”, ka theksuar Kullashi.

Më tej, akademik Kullashi ka treguar se për një pjesë të shteteve është e pakapshme se pse fuqitë e mëdha kanë qenë në anën e Kosovës.

“Kjo mbështetje ka qenë e pakapshme për një pjesë të shteteve, me zyrtarët e tyre që kam komunikuar. Dhe nuk e kanë kuptuar pse është mbështetur një vend i vogël”, ka thënë Kullashi.

Ai ka theksuar se koordinimi me faktorin ndërkombëtar nuk e cenon sovranitetin, duke shtuar se edhe shtetet e mëdha koordinohen dhe të komunikojnë rregullisht.

“…Edhe del pak a shumë një qasje të kufizuar politike ku koordinim e shohim si diçka që e cenon sovranitetin tonë. Nuk është sovranitet është i varfër. Nëse sovraniteti shkon kah izolimi, këtë e dëshiron Serbia. Problemi i Serbisë që një çerekshekulli është pesë fuqitë e mëdha e kanë mbështetur Kosovën”, ka shtuar akademiku.

 

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika