Gazetari Xhemajl Rexha ka shpalosur detaje nga agjenda e paraqitjeve të sportistëve nga Kosova, ku Akil Gjakova pritet të luftojë për medaljen e bronztë, si dhe për paraqitjen e Donjeta Sadikut në meç.
Rexha deklaroi se është zvogëluar “dukshëm” delegacioni nga Kosova në Paris, ose ” të paktën nuk ka parë as krerët e Komitetit Olimpik të vendit”, në vendin ku gjatë ditës së djeshme kanë qëndruar.
Teksa ka shtuar se presidentja e vendit, Vjosa Osmani, ka marrë rrugën e kthimit në vend. E kryeministri Kurti po vazhdon akoma të qëndrojë, por nuk dihet se sa qëndron.
Rexha theksoi se ka “ende pak” shpresë për Akil Gjakovën, edhe pse Hashimoto do të jetë një kundërshtarë i fortë për të, pasi ka bagazhin me kampion bote dhe shumë medalje të fituara.
“Sapo ka humbur garën e tij gjysmëfinale, Akil Gjakova. Do të luftojë për medaljen e bronztë. Ai do të zhvillojë garën e tij ndaj japonezit Soichi Hashimoto në kategorinë 73 kg. Pritet të japë maksimumin, pavarësisht se Hashimoto është më i mirë se Akil Gjakova, pasi që ka qenë kampion bote dhe ka medalje të fituara. Kjo vjen pas eliminimit të Nora Gjakovës. Ka ende shpresë që Akili të sjellë Kosovës medaljen e bronztë, pas orës 18:00. Dhe do të jetë e para nga ‘burrat’ e Kosovës”, deklaroi Rexha.