Një aksident ka ndodhur mëngjesin e së martës në magjistralen Mitrovicë – Prishtinë, ku janë përshirë katër automjete.

Zëdhënësja e Policisë për rajonin e Prishtinës, Flora Ahmeti, ka bërë të ditur për Dukagjinin se si pasojë e këtij aksidenti janë lënduar tre persona.

“Sot rreth orës 08:00 në rrugën nacionale Mitrovicë – Prishtinë, saktësisht në fshatin Milloshevë, ka ndodhur një aksident trafiku ku janë përfshirë 4 automjete. Si pasojë e aksidentit janë lënduar tre persona dhe janë shkaktuar dëme materiale”, ka thënë Ahmeti.

Sipas Ahmetit, me rastin po merret njësiti i trafikut rajonal.

Sipas pamjeve të siguruara nga Dukagjini, dyshohet se është goditur shtylla elektrike.

Në vendngjarje është parë Policia e Kosovës.