Në rrugën magjistrale Ferizaj – Prishtinë, në fshatin Babush të Ferizajt, rreth orës 10:00 ka ndodhur një aksident rrugor.
Tre automjete janë përfshirë në këtë aksident, duke shkaktuar dëme materiale të konsiderueshme.
Ndërsa, katër persona janë lënduar dhe janë transportuar në Qendrën Emergjente në Ferizaj për trajtim të mëtejshëm.
Këtë lajm për Dukagjinin e ka konfirmuar zëdhënësi i Policisë së Kosovës për rajonin e Ferizajt, Kanun Veseli.
“Rreth orës 10:00, në rrugën magjsitrale Ferizaj -Prishtinë, në fshatin Babush të Ferizajt, ka ndodhur një aksident komunikacioni, ku janë përfshirë tri vetura të udhëtarëve dhe veç dëmeve të shkaktuara në të tri automjetet, lëndime trupore kanë pësuar 4 persona, të cilët me autoambulancë janë dërguar në Qendrën Emergjente në Ferizaj”, ka thënë Veseli.
Po ashtu, ai ka njoftuar se hetuesit nga Njësia e Hetimeve të Aksidenteve janë mobilizuar në vendngjarje për të zhvilluar hetimet e tyre.