Një person ka pësuar lëndime trupore si pasojë e një aksidenti në mes të dy veturave në fshatin Zajm të Klinës.
Lajmin për Portalin Dukagjini e ka konfirmuar zëdhënësi i Policisë për rajonin e Pejës, Driton Rugova, i cili ka bërë të ditur se në aksident ishin përfshirë një veturë e KFOR-it dhe një veturë civile.
“Viktima është person civil, nuk është ushtar i KFOR-it”, ka deklaruar Rugova.
Ndër të tjera, Rugova ka bërë të ditur se i lënduari është dërguar në Qendrën e Mjekësisë Familjare për tretman mjekësor.