Një person ka humbur jetën si pasojë e një aksident trafiku i cili ka ndodhur të hënën e gjashtë qershorit në rrugën Pejë-prishtinë, përkatësisht në fshatin Qyshk.
Kështu është bërë e ditur nga policia e regjionit të Pejës, ku përmes një komunikate për media thuhet se arsyeja e aksidentit ishte mospërshtatja e kushteve të rrugës dhe shpejtësisë nga ana e nagsësit të veturës.
“Me datë 06 qershor 2022, rreth orës 21:25, Policia është informuar për një aksident trafiku i cili ka ndodhur në rrugën Pejë- Prishtinë në fshatin Qyshk”, thuhet në njoftim.
“Deri te aksidenti ka ardhur pasi që ngasësi i veturës duke mos iu përshtatur kushteve të rrugës dhe shpejtësisë, me të arritur në fshatin Qyshk, del nga rruga dhe ndeshet me një veturë (kombi) i cili ishte i parkuar jasht rruge duke shkaktuar aksident trafiku”.
Sipas njoftimit, i lënduari është dërguar në emergjencën e Spitalit Rajonal në Pejë, dhe sipas ekipit mjekësor viktima (mashkull i lindur me 1999) në spital ka arritur pa shenja jete.
Me urdhër të Prokurorit shtetit trupi i pa jetë i viktimës është dërguar në Institutin e Mjekësisë Ligjore në Prishtinë për obduksion.