Një person dyshohet se është goditur nga një veturë në Fushë Kosovë.
Aksidenti ka ndodhur në drejtim të Prishtinës dhe viktima dyshohet të jetë goditur në vendkalimin për këmbësor (zebra).
Ende nuk dihen rrethanat e aksidentit, teksa Policia e Kosovës dhe ekipet mjekësore kanë dal në vendin e ngjarjes.
Portali Dukagjini ka kontaktuar zëdhënësen e policisë për rajonin e Prishtinës, Flora Ahmeti e cila e ka konfirmuar rastin.
“Rreth orës 16:40 kemi pranuar informatën se në rrugën Fushë Kosovë – Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësor dhe një automjet. Si pasojë e aksidentit lëndime trupore ka pësuar këmbësori dhe i njëjti është dërguar për tretman mjekësor. Me rastin po merret njësiti i trafikut”, ka thënë ajo.