Një person ka humbur jetën si shkak i lëndimeve të rënda të marra në një aksidenti në Rahovec, përkatësisht në drejtim të Xërxës.
Lajmin për Portalin Dukagjini e ka konfirmuar, Sheremet Elezaj nga Policia e Kosovës, në Gjakovë.
Sipas Sheremet Elezaj, aksidenti ka ndodhur në 11:20, paraditen e së hënës.
Ai ka thënë se krahas të ndjerit, personi tjetër ka pësuar vetëm lëndime trupore.
“Të përfshirë në aksident trafiku kanë qenë dy automjete dhe për pasojë, përveç dëmeve materiale, një person i moshës madhore ka ndërruar jetë (vdekjen e tij e konfirmuar personeli mjekësor në QKMF Rahovec). Një person tjetër ka pësuar lëndime trupore dhe i njëjti, pas trajtimit mjekësor është shoqëruar në polici”, ka thënë Elezaj.
Ndër të tjera, ai ka bërë të ditur se njësitet relevante të policisë kanë dalë në vend-ngjarje.
Njëherësh, është njoftuar Prokurori i Shtetit i cili po ashtu ka dalë në vendin e ngjarjes.
Rasti po vazhdon të hetohet.